काठमाडौं । फ्रान्स १७औं संस्करणको युरोकप फुटबलको क्वार्टरफाइनलमा प्रवेश गरेको छ ।

सोमबार राति भएको रोमाञ्चक खेलमा बेल्जियमलाई १–० गोलले पराजित गर्दै फ्रान्स क्वार्टरफाइनलमा प्रवेश गरेको हो । फ्रान्सको जितमा बेल्जियमले गरेको आत्मघाती गोल निर्णायक बनेको छ ।

खेलको ८५ औं मिनेटमा बेल्जियमका जान भेर्टोङहेनले आफ्नै पोस्टमा गोल गरेका थिए । फ्रान्स युरोकपको उपाधि दावेदार टोली हो । खेलमा दुवै टोलीले गोलका केही सुन्दर अवसर प्राप्त गरेता पनि सदुपयोग गर्न सकेनन् ।