काठमाडौं । अमेरिकाले बंगलादेशलाई लगातार २ खेलमा पराजित गरेको छ ।

बिहीबार राति सम्पन्न भएको टी-२० सिरिजको दोस्रो खेलमा अमेरिकाले बंगलादेशलाई ६ रनले पराजित गरेको हो । अमेरिकाले दिएको १ सय ४५ रनको लक्ष्य पछाएको बंगलादेश १९.३ ओभरमा १ सय ३८ रन बनाएर अल आउट भएको छ ।

यस अघि अमेरिकाले पहिला ब्याटिङ गर्दै २० ओभरमा ६ विकेट गुमाएर १ सय ४४ रन बनाएको हो । यस अघि पहिलो टी-२० मा अमेरिकाले बंगलादेशलाई ५ विकेटले पराजित गरेको थियो ।

लगातार २ खेल जितेपछि अमेरिकाले बंगलादेशविरुद्धको सिरिज एक खेल अघि नै २-० ले जितेको छ । अब तेस्रो खेल यहि जेठ १२ गते शनिबार हुने  भएको हो ।