काठमाडौं । आज गणतन्त्र दिवस । मुलुकलाई संघीय लोकतान्त्रिक गणतन्त्र नेपाल घोषणा गरिएको १६वर्ष पुगेको छ । 
देशको शासन व्यवस्था नै परिवर्तन भइ गणतन्त्रात्मक व्यवस्था शुरु भएको दिनको रुपमा विभिन्न कार्यक्रमहरु गरी प्रत्येक वर्ष गणतन्त्र दिवसका रुपमा मनाउने गरिन्छ ।  
सरकारले गणतन्त्र दिवसको अवसरमा ४८२ जनाको कैद सजाय माफी गरेका छन् । 
२०६२÷०६३ को १९ दिने जनआन्दोलनले दुई सय ३८ वर्ष लामो राजतन्त्र अन्त्य गरेपछि २०६५ साल जेठ १५ गते जननिर्वाचित संविधानसभाले संघीय लोकतान्त्रिक गणतन्त्रात्मक शासन व्यवस्था शुभारम्भ भएको घोषणा गरेको थियो ।  
गणतन्त्र दिवसको अवसरमा टुँडिखेलमा औपचारिक समारोह आयोजना गरिने छ । 
गणतन्त्र दिवसको अवसरमा राष्ट्रपति, उपराष्ट्रपति, प्रधानमन्त्री, सभामुख, राष्ट्रिय सभाका अध्यक्ष लगायतले देशबासीलाई शुभकामना व्यक्त गर्दै गणतन्त्रको संस्थागत विकासप्रति प्रतिवद्ध रहन सबैलाई अपील गरेका छन् ।