भारत–पाकिस्तान खेलमा भारतको कमजोर सुरुआत, ५ ओभरमा १ विकेट गुमाउँदै ४१ रन
आईसीसी टी–२० विश्वकप अन्तर्गत भारत र पाकिस्तानबीचको बहुप्रतिक्षित खेल जारी छ । श्रीलंकाको राजधानी कोलम्बोमा जारी खेलमा भारतले टस हारेर अहिले ब्याटिङ गरिरहेको छ ।
पहिलो ओभरमै अभिषेक शर्मालाई गुमाएको भारत अहिले सम्हालिने प्रयासमा छ । ताजा अवस्थामा ५ ओभरको खेल सकिँदा भारतले एक विकेटको क्षतिमा ४१ रन बनाएको छ ।
पहिलो ओभरको छैटौँ बलमा अभिषेकलाई सलमान आगाले आउट गरे । उनी शहीन शाह अफ्रिदीको हातबाट क्याच आउट भएका हुन् ।
आउट हुनुअघि चार बल खेलेका उनले कुनै रन जोड्न सकेनन् ।
