काठमाडौँ — नेपाली क्रिकेटका प्रशिक्षक जगत टमाटा राष्ट्रिय खेलकुद परिषद् (राखेप)को सदस्यमा नियुक्त भएका छन्।

नेपाल प्रिमियर लिग (एनपीएल)मा सुदूरपश्चिम रोयल्सका मुख्य प्रशिक्षक रहेका टमाटा नेपाली राष्ट्रिय क्रिकेट टोलीका पूर्व खेलाडीसमेत हुन्। अब उनी नेपाली खेलकुद क्षेत्रको प्रमुख नियामक निकाय राखेपमा रहेर काम गर्नेछन्।

टमाटा नेपाल क्रिकेटका सफल प्रशिक्षकका रूपमा परिचित छन्। उनको प्रशिक्षणमा सुदूरपश्चिम रोयल्सले एनपीएलमा लगातार दुई सिजन उपविजेताको उपाधि हात पारेको छ।

पूर्व खेलाडीको अनुभव र प्रशिक्षकका रूपमा हासिल गरेको सफलताका आधारमा टमाटाको नियुक्तिले नेपाली क्रिकेट तथा समग्र खेलकुद क्षेत्रको विकासमा सकारात्मक योगदान पुग्ने अपेक्षा गरिएको छ।