भोटेकोशी हुँदै त्रिशूली नदीमा आएको बाढीमा परी ज्यान गुमाएकामध्ये नुवाकोटमा हालसम्म १७७ जनाको शव फेला परेको छ। तीमध्ये १६ जनाको पहिचान गरी परिवारलाई बुझाइएको छ भने बाँकी शव परीक्षणका लागि काठमाडौं पठाइएको छ।

नेपाली सेना, नेपाल प्रहरी र सशस्त्र प्रहरीको संयुक्त टोलीले ड्रोन, तालिमप्राप्त कुकुर र हेलिकप्टरको सहयोगमा जिल्लाका ३० स्थानमा खोजी गरी जमिनको सतहमा रहेका शव सङ्कलनको प्रारम्भिक चरण पूरा गरेको हो।

अब प्रहरीले बाढीले पुरिएका घर तथा बस्तीमा उत्खनन र खानतलासीमार्फत शव खोजी गर्ने जनाएको छ। बेत्रावती, सोलेबजार, तुप्चे, त्रिशूली बजार, ढुङ्गे र देवीघाटलगायत क्षेत्रमा खोजीलाई केन्द्रित गरिएको छ।