काठमाडौं । आईसीसी टी-२० विश्वकप क्रिकेटमा बुधबार बिहान हुने भनिएको नेपाल र श्रीलंकाबीचको खेल वर्षाले अवरुद्ध भएको छ।

लगातारको वर्षाले खेल हुन नसकेपछि दुवै देशले एक-एक अंक बाँडेका हुन्। अमेरिकाको फ्लोरिडास्थित लाउडरहिल मैदानमा बुधबार बिहान सवाँ ५ बजे हुने भनिएको खेल वर्षाले प्रभावित भएको छ ।

वर्षा रोकिएपछि खेल हुने बताइएको भए पनि लगातार वर्षा भएपछि दुवै देशले अंक बाँडेका हुन्। योसँगै अंक विहीन नेपाल र श्रीलंकाले एक-एक अंक बनाएका हुन्।

समूह ‘डी’मा २ खेल खेलिसकेको श्रीलंका र एक खेल खेलेको नेपाल अंक विहीन भएका थिए।