काठमाडौं । नेकपा एमालेका प्रमुख सचेतक महेश बर्तौलाले बजेटको बारेमा सुझाव राखेकै कारण सत्तारुढ दलहरुको खटपट शुरु भएको भन्ने कुरा गलत भएको बताउनुभएको छ। 

सोमबार प्रतिनिधि सभाको बैठकपछि सञ्चारकर्मीसँग कुरा गर्दै उहाँले यस्तो बताउनुभएको हो । सुझाव दिएकै कारण एमाले र नेकपा माओवादी केन्द्रकोबीचमा असन्तुष्टि हुन लागेको भन्ने कुरामा सत्यता नरहेको उहाँले स्पष्ट पार्नुभएको छ ।

बजेटमा सत्ता पक्षका सांसदहरुले पनि आफ्नो कोणबाट सुझाव दिन उपयुक्त हुने उहाँले बताउनुभयो। बजेटप्रति एमालेको आक्रोश, नकारात्मक टिप्पणी र असन्तुष्टि नभइ सुझावहरु मात्रै रहेको प्रमुख सचेतक बर्तौलाले बताउनुभएको छ ।