काठमाडौं । मकवानपुरको मनहरी गाउँपालिका–९ ज्यामिरेमा शुक्रबार बस नालीमा खस्दा २० जना घाइते भएका छन्। 

शुक्रबार बिहान पौने ३ बजे काँकडभिट्टाबाट नेपालगञ्ज जाँदै गरेको ना ५ ख ५५१५ नम्बरको यात्रुबाहक बसको अगाडिको पट्टा भाचिन गई बस अनियन्त्रित भएर नालीमा खसेको मकवानपुर प्रहरीले जनाएको हो। बस दुर्घटना हुँदा २० जना घाइते भएको प्रहरीको भनाइ छ।

जसमध्ये ११ जनाको स्थानीय अस्पताल र ९ जनालाई उपचारका लागि चितवन पठाइएको प्रहरीले बताएको हो। बस चालकलाई प्रहरीले नियन्त्रणमा लिएको छ।