स्थानीय बजारमा आज पनि सुनको मूल्य वृद्धि भएको छ। नेपाल सुनचाँदी व्यवसायी महासंघका अनुसार सुनको मूल्य तोलामा १,४०० रुपैयाँले बढेको हो।

आज सुन प्रतितोला २ लाख ८८ हजार ७ सय रुपैयाँमा कारोबार भइरहेको छ। आइतबार सुनको मूल्य २ लाख ८७ हजार ३ सय रुपैयाँमा कारोबार भएको थियो।

त्यसैगरी चाँदीको मूल्य पनि बढेको छ। चाँदी प्रतितोला ४० रुपैयाँले बढ्दै ४ हजार ७३० रुपैयाँ पुगेको महासंघले जनाएको छ। बजारमा अन्तर्राष्ट्रिय मूल्यको प्रभावका कारण सुनचाँदी दुवैको मूल्य निरन्तर उतारचढावमा रहेको बताइएको छ।