सप्तकोशी नदीको बिच टापुबाट सशस्त्र प्रहरीले करिब ४ सय ७५ केजी गाँजा बरामद गरेको छ । सुनसरी जिल्लाको बराहक्षेत्र नगरपालिका–६ र उदयपुर जिल्लाको बेलका नगरपालिका–८ स्थित सप्तकोशी निको बिच टापुमा १६ वटा बोरामा अवैध रुपले लुकाई छिपाई राखेको उक्त गाँजा सोमबार बरामद गरिएको हो ।

विशेष सूचनाको आधारमा सशस्त्र प्रहरी बल, नेपाल विपद् व्यवस्थापन वेश चतराबाट सशस्त्र प्रहरी निरीक्षक मेघराज राउत र सुरक्षा वेश रामपुरबाट सशस्त्र प्रहरी निरीक्षक राज विक्रम खड्काको कमाण्डमा खटिएको टोलीले उक्त गाँजा बरामद गरेको हो ।

निको बिच टापुमा भएको कारण सशस्त्र प्रहरीले र्‍याप बोटको प्रयोग गरी सो गाँजा नदी वारी ल्याएको थियो। बरामद गाँजा आवश्यक कारबाईको लागि सम्बन्धित निकायमा बुझाइएको  सशस्त्र प्रहरी नायब महानिरीक्षक तथा प्रवक्ता  विष्णु प्रसाद भट्टले जानकारी दिए ।