काठमाडौं । हाल देशैभरी मनसुनी वायुको प्रभाव रहेको छ।

मंगलबार बिहान देशैभरी साधारणतयादेखि पूर्णतया बदली रहेको हो। कोशी, मधेश, बागमती, गण्डकी, लुम्बिनी प्रदेश र बाँकी प्रदेशका केही स्थानमा मेघगर्जन/चट्याङ्गसहित हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ।

मंगलबार दिउँसो भने देशभर साधारणतयादेखि पूर्णतया बदली हुने भएको हो । त्यस्तै, देशैभरीका अधिकांश स्थानहरूमा मेघगर्जन/चट्याङ्गसहित हल्कादेखि मध्यम वर्षाको समेत सम्भावना रहेको छ ।

त्यस्तै, बागमती, गण्डकी, लुम्बिनी, कर्णाली, सुदूरपश्चिम, कोशी र मधेश प्रदेशका केही स्थानमा भारी वर्षाको समेत सम्भावना रहेको हो। बागमती, गण्डकी र लुम्बिनी प्रदेशका केही स्थानमा धेरै भारी वर्षाको समेत सम्भावना रहेको महाशाखाले जनाएको छ ।

मंगलबार राति भने देशैभरी साधारणतयादेखि पूर्णतया बदली हुने भएको हो । देशका अधिकांश स्थानहरुमा मेघगर्जन/चट्याङ्गसहित हल्कादेखि मध्यम वर्षाको समेत सम्भावना रहेको छ। त्यस्तै, सबै प्रदेशका केही स्थानहरूमा भारी वर्षाको पनि सम्भावना रहेको हो।

गण्डकी र लुम्बिनी प्रदेशका केही स्थानमा धेरै भारी वर्षाको समेत सम्भावना रहेको महाशाखाले जनाएको छ ।