नेकपा एमालेको लुम्बिनी प्रदेश अध्यक्षमा उम्मेदवारी दिएका हरि रिजालको उम्मेदवारी खारेजीको माग गर्दै उजुरी परेको छ ।

उनको पार्टी सदस्यता लुम्बिनी प्रदेशमा नै नरहेको भन्दै अधिवेशन प्रतिनिधि राजुप्रसाद श्रेष्ठले उजुरी दिएका हुन् ।

‘लुम्बिनी प्रदेश कमिटीको अध्यक्ष पदमा उम्मेदवारी दिएका हरिप्रसाद रिजालको लुम्बिनी प्रदेश अन्तर्गत रहेको सदसस्यता सूचीमा नाम समावेश नदेखिएको हुँदा पार्टीको यो प्रदेश सदस्य नै नभएको व्यक्ति अधिवेशन प्रतिनिधि हुन र उम्मेदवार हुन नमिल्ने भएकाले उम्मेदवार खारेज गरिपाउँ’, उजुरीमा भनिएको छ ।

एमालेको लुम्बिनी प्रदेश अध्यक्षमा पाल्पाका राधाकृष्ण कँडेल र प्युठानका हरि रिजालले उम्मेदवारी दिएका छन् ।