बागमती प्रदेशसभाकी सदस्य तथा नेपाल कम्युनिष्ट पार्टी मकवानपुरकी अध्यक्ष मनु सिग्देललाई कोरोनाभाइरस संक्रमण भएको छ।

ललितपुरको विध ल्याबमा गरिएको सिग्देलको स्वाब परीक्षणको रिपोर्ट सोमबार पोजेटिभ आएको हो। घाँटी दुखेपछि सिग्देलले स्वाब परीक्षण गरेकी थिइन्। 
 उनी अहिले काठमाडौंस्थित घरमा होम आइसोलेसनमा बसेकी छन्। सिग्देल असोज ५ गते निजी सवारी साधनमा काठमाडौं आएकी थिइन्। सिग्देलको स्वास्थ्यमा खासै समस्या नरहेको उनको पारिवारिक स्रोतले जनाएको छ।

सिग्देलका श्रीमान् विरोध खतिवडा प्रतिनिधि सभा सांसद हुन् भने छोरी श्रृंखला खतिवडा पूर्वमिस नेपाल हुन्। परिवारका अरू सदस्यको कोरोना रिपोर्ट नेगेटिभ आएको छ।