दाङ । दाङमा चालु आर्थिक बर्षमा ३३ जना प्रहरी कारबाहीमा परेका छन् । प्रदेश नं ५ प्रहरी कार्यालय तुलसीपुरका अनुसार चालु आर्थिक बर्षको असारसम्म ३३ जना प्रहरी कारबाहीमा परेका छन् । कारबाहीमा पर्नेमा तीनजना प्रहरी निरीक्षक, दुई जना प्रहरी नायब निरीक्षक, पाँचजना प्रहरी सहायक निरीक्षक, पाँचजना प्रहरी हवल्दार र १९ जना प्रहरी जवान रहेका छन् ।

तीमध्ये प्रदेश प्रहरी कार्यलयबाट एकजना र जिल्ला प्रहरी कार्यालय दाङबाट दुईजना प्रहरी निरीक्षक कारबाहीमा परेका हुन् । त्यस्तै जिल्ला प्रहरी कार्यालय दाङबाट दुई जना प्रहरी नायब उपरीक्षक, प्रदेश नं ५ बाट १ जना प्रहरी हवल्दार र जिल्ला प्रहरी कार्यालय दाङबाट चार जना प्रहरी हवल्दार पक्राउ परेका हुन् । प्रदेश प्रहरी कार्यालयबाट एकजना जवान र जिल्ला प्रहरी कार्यालय दाङबाट १८ जना जवान पक्राउ परेको प्रदेश प्रहरी कार्यालय दाङका प्रहरी नायब उपरीक्षक नबराज पोख्रेलले जानकारी दिए । सन्तोष जनक काम नगरेको, आदेश नमानेको, अनुशासनहीन काम गरेको भन्दै उनीहरुलाई कारवाही गरिएको हो ।