आईसीसी टी–२० विश्वकप अन्तर्गत भारत र पाकिस्तानबीचको बहुप्रतिक्षित खेल जारी छ । श्रीलंकाको राजधानी कोलम्बोमा जारी खेलमा भारतले टस हारेर अहिले ब्याटिङ गरिरहेको छ ।

खेलमा भारतले दोस्रो विकेट गुमाएको छ । खेलको ८ ओभर ४ बलमा पाकिस्तानका साइम ऐयुबले भारतका ईशान किसानलाई बोल्ड आउट गरे ।

आउट हुनुअघि उनले ४० बलमा ७७ रनको विस्फोटक पारी खेले । यस क्रममा उनले १० चौका र तीन छक्का प्रहार गरे ।

ताजा अवस्थामा भारत दुई विकेटको क्षतिमा ८८ रनको अवस्थामा छ ।

यसअघि खेलको पहिलो ओभरमै भारतले पहिलो विकेटका रुपमा अभिषेक शर्मा आउट भए । उनलाई छैटौँ बलमा सलमान आगाले आउट गरे । उनी शहीन शाह अफ्रिदीको हातबाट क्याच आउट भएका हुन् ।

आउट हुनुअघि चार बल खेलेका उनले कुनै रन जोड्न सकेनन् ।