नेपाल प्रिमियर लिग एनपीएलअन्तर्गत बिहीबारको दोस्रो खेलमा सुदूरपश्चिम रोयल्स र चितवन राइनोजबीच प्रतिस्पर्धा भइरहेको छ । त्रिवि अन्तर्राष्ट्रिय क्रिकेट रङ्गशालामा जारी खेलमा टस हारेर सुदूरपश्चिमले ब्याटिङ गरिरहेको छ ।

खेलमा सुदूरपश्चिमले दुई विकेट गुमाएको छ । खेलको ५ ओभर ४ बलमा सुदूरपश्चिमका ओपनर ब्याटर विनोद भण्डारी आउट भए । रञ्जित कुमारको बलमा उनी अमरसिंह रौतेलाको हातबाट क्याच आउट भए ।

आउट हुनुअघि उनले १७ बलमा २१ रन बनाए । यस क्रममा उनले दुई चौका र एक छक्का प्रहार गरे ।

त्यसैगरी, खेलको ६ ओभर ४ बलमा ईशान पाण्डे पनि आउट भए । सैफ जैबको बलमा उनी डाविड मलानको हातबाट क्याच भए । उनले चार बलमा एक रन जोडे ।

खेलमा ७ ओभरमा पुग्दा सुदूरपश्चिम २ विकेटको क्षतिमा ४९ रनको अवस्थामा छ