कोपा अमेरिकाको नकआउट चरणमा अतिरिक्त समय नथपिने, बराबरी भए सीधै पेनाल्टी
काठमाडौं । अमेरिकामा भइरहेको कोपा अमेरिका २०२४ को नकआउट चरणको खेलमा अतिरिक्त समयम थप नहुने भएको छ ।
नकआउट चरणमा निर्धारित ९० मिनेटको खेल बराबरी भएमा खेल सीधै पेनाल्टीसुटआउटमा जानेछ ।
अन्य प्रतियोगितामा निर्धारित समयमा बराबरी हुँदा ३० मिनेटको अतिरिक्त समयमा खेलाइन्छ र त्यसमा बराबरी भए मात्र पेनाल्टी सुटआउटमा जान्छ ।
तर कोपामा भने ९० मिनेटको खेल बराबरी भएमा सीधै पेनाल्टी हुनेछ ।
तर कोपाको फाइनल खेलमा भने निर्धारित समयमा बराबरी भएमा अतिरिक्त समय थपिनेछ । त्यसमा पनि बराबरी भएमा खेल पेनाल्टिसुटआउटमा पुग्नेछ ।
साविक विजेता अर्जेन्टिनासहित क्वाटरफाइनल पुग्न ८ वटै टोलीको टुङ्गो लागिसकेको छ ।
क्वाटरफाइनलमा अर्जेन्टिनाले इक्वेडर, भेनेजुएलाले क्यानडा, कोलम्बियाले पानामा र उरुग्वेल ब्राजिलसँग खेल्नेछ ।
आयोजक अमेरिका रमेक्सिको भने यस समूह चरणबाटै बाहिरिएका छन् ।
कोपाको पहिलो क्वाटरफाइनलमा साविक विजेता अर्जेन्टिनाले इक्वेडरसँग खेल्नेछ । यो खेल नेपाली समय अनुसार शुक्रबार बिहान ६:४५ मा सुरु हुनेछ ।
