काठमाडौं । हाल देशैभरी मनसुनी वायुको प्रभाव परेको छ।
 
सोमबार बिहान देशैभरी साधारणतयादेखि पूर्णतया बदली रहेको हो। कोशी, मधेश, बागमती, गण्डकी, लुम्बिनी र बाँकी प्रदेशका केही स्थानमा मेघगर्जन/चट्याङ्गसहित हल्कादेखि मध्यम वर्षा समेत भइरहेको मौसम पूर्वानुमान महाशाखाले जनाएको छ।

सोमबार दिउँसो भने देशैभरी साधारणतयादेखि पूर्णतया बदली हुने भएको हो । देशका केही स्थानहरूका मेघ गर्जन/चट्याङ्गसहित हल्कादेखि मध्यम वर्षाको समेत सम्भावना रहेको छ ।

त्यस्तै, कोशी, बागमती, गण्डकी र सुदूरपश्चिम प्रदेशका केही स्थानहरूमा भारी वर्षाको पनि सम्भावना रहेको हो। कोशी, बागमती र गण्डकी प्रदेशका केही स्थानमा धेरै भारी वर्षाको पनि सम्भावना रहेको महाशाखाले जनाएको छ ।
 
सोमबार राति भने देशैभरी साधारणतयादेखि पूर्णतया बदली हुने भएको हो । कोशी, मधेश, बागमती, गण्डकी प्रदेश र बाँकी भू-भागका केही स्थानहरूमा मेघगर्जन/चट्याङ्गसहित हल्कादेखि मध्यम वर्षाको समेत सम्भावना रहेको छ।

त्यस्तै, कोशी, मधेश, बागमती र गण्डकी प्रदेशका केही स्थानहरूमा भारी वर्षाको पनि सम्भावना रहेको हो । कोशी र गण्डकी प्रदेशका केही स्थानमा भने धेरै भारी वर्षाको समेत सम्भावना रहेको महाशाखाले जनाएको छ ।