काठमाडौं । हाल देशैभरी मनसुनी वायुको प्रभाव परेको छ।

आइतबार बिहान देशैभरी आंशिकदेखि साधारणतया बदली रहेको हो । कोशी, लुम्बिनी, कर्णाली र बाँकी प्रदेशका केही स्थानमा मेघगर्जन/चट्याङ्गसहित हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ।

आइतबार दिउँसो भने देशभर साधारणतयादेखि पूर्णतया बदली हुने भएको हो । त्यसतै, कोशी, बागमती, गण्डकी, सुदूरपश्चिम र बाँकी प्रदेशका धेरै स्थानहरुमा मेघगर्जन/चट्याङ्गसहित हल्कादेखि मध्यम वर्षाको समेत सम्भावना रहेको छ ।

त्यस्तै, कोशी, बागमती, गण्डकी, लुम्बिनी र सुदूरपश्चिम प्रदेशका केही स्थानमा भारी वर्षाको समेत सम्भावना रहेको हो । त्यस्तै, गण्डकी प्रदेशका केही स्थानमा धेरै भारी वर्षाको पनि सम्भावना रहेको महाशाखाले जनाएको छ ।

आइतबार राति देशैभरी साधारणतयादेखि पूर्णतया बदली हुने भएको हो । त्यस्तै, कोशी, मधेश, बागमती, गण्डकी, लुम्बिनी प्रदेशका अधिकांश स्थानहरु र देशका बाँकी भू-भागका केही स्थानहरूमा मेघगर्जन/चट्याङ्गसहित हल्कादेखि मध्यम वर्षाको समेत सम्भावना रहेको छ।

कोशी, मधेश, बागमती, गण्डकी र लुम्बिनी प्रदेशका केही स्थानहरुमा भारी वर्षाको पनि सम्भावना रहेको हो । कोशी, बागमती र गण्डकी प्रदेशका केही स्थानमा धेरै भारी वर्षाको समेत सम्भावना रहेको महाशाखाले जनाएको छ ।