काठमाडौं । हाल देशभर मनसुनी वायुको प्रभाव परेको छ।

बिहीबार बिहान कोशी, मधेश, बागमती, गण्डकी, कर्णाली र सुदूरपश्चिम प्रदेशमा साधारणतयादेखि पूर्णतया बदली रहेको हो । बाँकी भू-भागमा भने आंशिकदेखि साधारणतया बदली रहेको छ । गण्डकी, कर्णाली, सुदूरपश्चिम, कोशी, बागमती र लुम्बिनी प्रदेशको केही  स्थानमा मेघगर्जन/चट्याङ्गसहित हल्कादेखि मध्यम वर्षा भइरहेको मौसम पूर्वानुमान महाशाखाले जनाएको हो।

बिहीबार दिउँसो भने देशभर साधारणतयादेखि पूर्णतया बदली हुने भएको छ । त्यस्तै, कोशी, गण्डकी, लुम्बिनी, कर्णाली, सुदूरपश्चिम, मधेश र बागमती प्रदेशका केही स्थानहरुमा मेघगर्जन/चट्याङ्गसहित हल्कादेखि मध्यम वर्षाको सम्भावना रहेको हो । कोशी, गण्डकी, लुम्बिनी, कर्णाली र सुदूरपश्चिम प्रदेशका केही स्थानमा भारी वर्षाको पनि सम्भावना रहेको  महाशाखाले जनाएको छ ।

बिहीबार राति भने कोशी, मधेश, बागमती र गण्डकी प्रदेश लगायत देशको पहाडी भू-भागमा साधारणतयादेखि पूर्णतया बदली हुने भएको हो । त्यस्तै, बाँकी भू-भागमा भने आंशिकदेखि साधारणतया बदली हुने भएको छ । कोशी, मधेश, बागमती, गण्डकी प्रदेश र बाँकी प्रदेशका केही स्थानहरुमा मेघगर्जन/चट्याङ्गसहित हल्कादेखि मध्यम वर्षाको सम्भावना रहेको हो ।

त्यस्तै, कोशी, मधेश, बागमती र गण्डकी प्रदेशका केही स्थानमा भारी वर्षाको समेत सम्भावना रहेको महाशाखाले जनाएको छ ।