म्यानचेस्टर सिटीका पूर्वकप्तान इल्के गुन्डोगानले ला लिगामा डेब्यू गर्दा साबिक विजेता बार्सिलोना सिजनको पहिलो खेलमा नै गेटाफेसँग गोलरहित बराबरीमा रोकिएको छ । 

३२ वर्षीय जर्मन खेलाडी यो ट्रान्सफर सिजनमा बार्सिलोनासँग अनुबन्ध भएका हुन् । मैदान प्रवेश गरेको केही मिनेटमा नै गुन्डोगानले गोल गर्ने सुन्दर अवसर पाएका थिए तर उनलाई अफसाइड करार गरिएको थियो । 

विवादित खेलमा बार्सिलोनाका राफिन्हा र म्यानेजर ज्याभीले रातो कार्ड पाएका थिए । लिड्सका पूर्व फरवार्ड राफिनाले गेटाफेका गास्टोन अल्भारेजलाई कुहिनाले हिर्काएपछि रातो कार्ड पाएका हुन् । ज्याभीले दोस्रो हाफमा रेफ्रीसँग वादविवाद गरेका कारण रातो कार्ड पाए ।

जेमी माटाले दोस्रो पहिलो कार्ड पाएपछि गेटाफे पनि दोस्रो हाफको सुरुवातमा नै १० खेलाडीमा सीमित बनेको थियो । बार्सिलोनाले गोलका लागि प्रयास गरे पनि सफल हुन सकेन । रोबर्ट लेवान्डोस्कीको प्रहार गोल लाइनबाट क्लियर गरिएको थियो  ।