स्पानिस ला लिगामा रायो भालेकानोसँग अप्रत्यासित रुपमा पराजित भएपछि बार्सिलोनाले पहिलो पटक एकै सिजन घरेलु मैदानमा लगातार तेस्रो हार बेहोरेको छ ।

ला लिगामा आइतबार राति भएको खेलमा बार्सिलोना रायो भालेकानसोसँग १-० ले पराजित भयो ।

अल्भारो गार्सियाले खेलको सातौ मिनेटमा गरेको गोल नै राभोको जितमा निर्णायक बन्यो ।

घरेलु मैदानमा युरोपा लिगको क्वाटरफाइनलमा एनट्राट फ्रान्कफुर्टसँग पराजित भएको बार्सिलोना त्यसपछि ला लिगामा काडिसँग पराजित भएको थियो ।

बार्सिलोनाको हारपछि अब लिग लिडर रियल मड्रिडलाई उपाधि जित्न १ अंक मात्र आवश्यक छ  ।

३३ खेलबाट रियल ७८ अंकसहित शीर्ष स्थानमा छ । बार्सिलोना ३३ खेलबाट ६३ अंकसहित दोस्रोमा छ ।