(पोखरा)‘यो दाजुको मिर्मिरे आँखा’, बेली र चमेलीलगायत चर्चित लोकगीतका संकलक धनबहादुर गायकको निधन भएको छ । २०२१ साल वैशाख ६ गते पोखराको बाटुलेचौरमा जन्मिएका गायकको सोमबार मणिपाल अस्पतालमा निधन भएको हो । 

उच्च रक्तचापका बिरामी उनलाई ३ दिनअघि अस्पताल भर्ना गरिएको थियो । राष्ट्रिय लोकबाजार सारंगी संरक्षण पाठशाला प्रतिष्ठानका अध्यक्ष समेत रहेका उनी  पोखरा महानगरपालिकाले गठन गर्न लागेको प्रज्ञा प्रतिष्ठानमा उनलाई गन्धर्व सिफारिस भएका भएका थिए । 

तर प्रतिष्ठानमा नियुक्ति हुनुअघि नै उनको निधन भएको छ । पछिल्लो समय धनबहादुर नयाँ पुस्तालाई सारंगी सिकाउन व्यस्त थिए ।