कोरोना भाइरस (कोभिड–१९ं) महामारी र लकडाउनका कारण गत वैशाखमा रोकिएको कक्षा १२ को परीक्षा हिजोबाट शुरु भएको छ।
परीक्षामा देशभरबाट ४ लाख ३२ हजार ५ सय विद्यार्थी सहभागी भएका थिए ।

परीक्षा समय बढीमा साढे १ घण्टाको भएको जनाइएको छ । देशभरका ४ हजार १ सय ५ विद्यालयमा परीक्षा केन्द्र राखिएको छ भने भौतिक दूरी कायम गरेर पूर्णरुपमा स्वास्थ्य मापदण्ड अपनाउँदै परीक्षा सञ्चालन भएको राष्ट्रिय परीक्षा बोर्डले जनाएको छ ।

यसअघि शिक्षामन्त्री गिरिराज पोखरेलले विद्यार्थीहरूलाइ ढुक्क भएर परीक्षा दिन अनुरोध गर्नुभएको थियो । कोरोना संक्रमण हुन नदिन प्रत्येक परीक्षा केन्द्रमा हेल्थ डेस्क राखिने र परीक्षामा सामेल हुने विद्यार्थीको ज्वरो अनिवार्यरुपमा परीक्षण गर्नुपर्ने व्यवस्था गरिएको उहाँको भनाइ थियो । 

परीक्षाका क्रममा  एउटा कोठामा २ मिटरको दूरी कायम गरी बढीमा २० जनासम्म मात्र राख्न पाइने व्यवस्था बोर्डका अध्यक्ष प्राडा चन्द्रमणि पौडेलले जानकारी दिनुभयो । उहाँ अनुसार घर पायक पर्ने र आफू अध्ययन गरेकै स्कुलमा परीक्षार्थीका लागि परीक्षा केन्द्र तोकिएको छ । साथै त्यसरी घरपायक फरक जिल्लाबाट पनि परीक्षा दिन सकिनेछ । यसरी फरक जिल्लाबाट दिने विद्यार्थीको संख्या करिब १३ हजार रहेको छ ।  स्थानीय सरकारहरूको सहयोगमा परीक्षा व्यवस्थापन गरिएको उहाँको भनाइ छ ।
केन्द्राध्यक्ष र निरीक्षकले समेत अनिवार्यरुपमा ज्वरो परीक्षण गरी मास्क लगाउनुपर्ने र परीक्षा शुरु भएपछि अन्यलाई प्रवेश नदिने व्यवस्था समेत  गरिएको छ ।

प्रश्नपत्र हेर्न सबै केन्द्रलाई छुट्टै कोडको व्यवस्था गरेको  बोर्डले जनाएको छ ।

सरकारको यो निर्णयले आम नेपाली जनतामा कस्तो प्रभाव र चिन्ता परेको छ भन्ने विषयमा नेपालको पहिलो र एकमात्र मत सर्वेक्षण संस्था  भूगोलपार्क डट कमले मत सर्वेक्षण सुरु गरेको छ । 
यस संस्थाले नेपालमा हालसम्म १६ वटा राष्ट्रिय एजेन्डामा मत सर्वेक्षणहरु सञ्चालन गरिसकेको छ ।  भूगोल पार्कले अद्धितीय वैज्ञानिक एल्गोरिदम फर्मुलाको माध्यमबाट डेटाको नतिजा गणना गर्दछ ।  मत सर्वेक्षणमा १ शीर्षक र डेमोग्राफिक्समा ५ प्रशनहरु छन् । 

यी प्रश्नहरुले आम जनताहरुको कोरोना फैलने प्रति चिन्ता , शैक्षिक सत्र जोगाउने प्रति धारणा समेटेका छन् ।

मतदान गर्नको लागी :

http://www.bhugolpark.com/poll/161