हलिउड अभिनेता सिन कोनरीको ९० वर्षको उमेरमा निधन
चर्चित हलिउड अभिनेता सिन कोनरीको निधन भएको छ । पहिलोपटक जेम्स बण्डको भूमिका समेत निर्वाह गरेका स्कटिस अभिनेता कोनरीको ९० वर्षको उमेरमा बहमासमा निधन भएको जनाइएकाे छ । उनी केही समयदेखि बिरामी रहेकाे उनका छोरा जेसन कोनरीले बताएका छन् ।
सन् १९९८ मा ‘अनटचेबल्स’ फिल्मबाट ओस्कार अवार्ड जित्न सफल अभिनेता काेरनीले सातवटा फिल्ममा जेम्स बण्डको भूमिका निर्वाह गरेका छन् । उनले पहिलोपटक जेम्स बण्डको भूमिका निर्वाह गरेको फिल्म ‘डक्टर नो’ हाे, जुन सन् १९६२ मा रिलिज भयाे ।
सन् १९३० को अगष्ट २५ मा एक सामान्य मजदूर परिवारमा जन्मिएका काेनरी विद्राेही स्वभावका थिए । उनी स्कटल्याण्ड बेलायतबाट स्वतन्त्र हुनुपर्छ भन्ने पक्षका थिए । स्कटल्याण्डकी फस्ट मिनिस्टर निकोला स्टर्जनले उनको निधनमा शोक व्यक्त गर्दै ‘आफ्नो देशको सबैभन्दा प्यारो छोरा’ भनेकी छन् ।
