आइपिएलमा दिल्ली क्यापिटल्स फेरि शीर्ष स्थानमा उक्लिएको छ।  दिल्लीले बुधबार राति भएको खेलमा राजस्थान रोयल्सलाई १३ रनले पराजित गरेर शीर्ष स्थानमा उक्लिएको हो । 

पहिले ब्याटिङ गरेको दिल्लीले ७ विकेटको क्षतिमा १६१ रन जोड्यो । दिल्लीका लागि ‌ओपनिङ ब्याट्सम्यान शिखर धवनले ५७ रन र कप्तान श्रेयस इयरले ५३ रन जोडे ।

त्यसअघि ‌ओपनर पृथ्वी शा पहिलो बलमै आउट हुँदा अजिन्का राहाणेले २ रन मात्र जोड्न सके । दुवैलाई राजस्जथानका जोफ्रा आर्चरले आउट गरे । दिल्लीका लागि मार्कोस स्टोइनिसले १८ रन र एलेक्स क्यारीले १४ रनको योगदान दिए। बलिङमा राजस्थानका आर्चरले ३ विकेट लिए । उनले चार ओभरमा केवल १९ रन खर्चिए । 

१६२ रनको लक्ष्य पछ्याएको राजस्थानले २० ओभरमा ८ विकेटको क्षतिमा १४८ रन मात्र जोड्न सक्यो। उसका लागि ओपनर बेन स्टोक्सले ४१ रन जोडे । रविन उथप्पाले ३२ रन बनाउँदा जोस बटलरले २२ रन र सन्जु सामसनले २५ रनको योगदान दिए । बलिङमा दिल्लीका एनरिच नोर्ट्जे र तुसार देशपाण्डेले २-२ विकेट लिए। कागिसो रबाडा, रविचन्द्रन आस्विन र अक्षर पटेलले १-१ विकेट हात पारे । 

जितसँगै शीर्ष स्थानमा उक्लिएको दिल्लीले ८ खेलबाट १२ अंक जोडेको छ । राजस्थान ६ अंकसहित पुछारबाट दोस्रो स्थानमा छ। आइपिएलमा बिहीबार रोयल च्यालेन्जर्स बेंग्लोर र किंग्स ११ पञ्जावबीच खेल हुनेछ ।