काठमाडौँ,  असोज ३० –एएफसी एसियन कप छनोटअन्तर्गत भियतनाम भ्रमण सकेर नेपाली राष्ट्रिय पुरुष फुटबल टोली बिहीबार बिहान स्वदेश फर्किएको छ।

टोली छनोट चरणको खेल खेल्न भियतनाम गएको थियो, जहाँ नेपालले दुई खेल खेलेको थियो। दुबै खेलमा घरेलु टोली भियतनामसँग पराजित भएको नेपाली टोली एसिया कपमा छनोट हुन असफल भएको छ।

पराजयसँगै नेपालको एएफसी एसियन कप २०२७ खेल्ने आशा समाप्त भएको छ।

हाल नेपाली टोलीको अगाडि मलेसिया र लाओससँगका खेल बाँकी रहेका छन्। ती खेलहरूमा उत्कृष्ट प्रदर्शन गर्दै सम्मानजनक बिदाइको लक्ष्य नेपाली टोलीले लिएको छ।

नेपाली फुटबल संघ (एन्फा) का अधिकारीहरूले टोलीको स्वागत गरेका छन्। प्रशिक्षक र कप्तानले आगामी खेलहरूमा राम्रो नतिजा हासिल गर्ने प्रतिबद्धता व्यक्त गरेका छन्।