मलेसियासँग टी– २० क्रिकेट खेल्ने नेपाली टोलीको घोषणा भएको छ । नेपाल क्रिकेट संघ (क्यान)ले इन्दु बर्माको कप्तानीमा आज टोलीको घोषणा गरेको हो ।

टोलीमा बर्मासँगै पूजा महतो (उपकप्तान), रुविना क्षेत्री, सीता रानामगर, राजमति ऐरी, सम्झना खड्का, कविता जोशी, रीया शर्मा, सोमु बिष्ट, रचना चौधरी, रुवी पोद्दार, यशोदा बिष्ट, सावित्री दामी र कविता कुवँर समावेश छन् । टोलीले २,४,५,७ र ८ अक्टुबरमा मलेसियाविरुद्ध प्रतिस्पर्धा गर्नेछ ।