काठमाडौं । राष्ट्रिय जनमोर्चाका अध्यक्ष चित्रबहादुर केसीले सहकारी ठगहरूलाई कारबाही नगरे लोकतन्त्र र गणतन्त्रको कुनै औचित्य नभएको बताउनुभएको छ ।

आइतबार प्रतिनिधि सभा बैठकको विशेष समयमा बोल्दै उहाँले सहकारी ठगहरूलाई जोगाए गणतन्त्र र लोकतन्त्रको औचित्य नभएको बताउनुभएको हो । छानबिनका लागि बनाएको संसदीय समितिले पनि दोषीलाई उम्काउने देखिएको भन्दै दूधको दूध पानीको पानी हुने गरी छानबिन गर्नुपर्ने उहाँको भनाइ छ । 

सहकारी ठगहरूलाई जनताले देख्ने गरी कारबाही गर्नुपर्ने उहाँको माग थियो । उहाँले भन्नुभयो,-‘सरकार जोगाउने नाममा सहकारीमा किटानीसाथ नेपाली जनताले संसदमा उठाएको आवाज दबाउने हो भने यो गणतन्त्र र लोकतन्त्रको कुनै औचित्य नभएको कुरा नेपाली जनताले महशुस गरेका छन्। तथ्य दूधको दूध-पानीको पानी हुने गरी ठगहरूलाई जनताले देख्ने गरी कारबाही गरोस्।’

राज्य सत्ताको निर्णायक तहमा बसेको व्यक्तिले नै संसदको रोष्ट्रमबाट बोलेर अरूलाई दोषी देखाएर आफ्नो कर्तुत जोगाउन लागेको दावी अध्यक्ष केसीको दावी छ ।