काठमाडौं । उपप्रधान एवं गृहमन्त्री रवि लामिछानेले गाजाको औषधिजन्य प्रयोगका लागि १ महिनाभित्र आवश्यक कानूनी प्रबन्ध गर्ने बताउनुभएको छ । 

आफ्नो मन्त्रालयले १ सय दिनमा गरेको कामको बारेमा जानकारी दिन सिंहदरबारमा शुक्रबार आयोजित पत्रकार सम्मेलनमा बोल्दै उहाँले यस्तो बताउनुभएको हो । औषधिजन्य प्रयोजन, औद्योगिक प्रयोजनका लागि गाजालाई मान्यता दिनुपर्ने र कानूनी प्रबन्ध हुनासाथ निश्चित क्षेत्रमा अनुसन्धानको काम शुरु गर्ने पनि उहाँले बताउनुभएको छ।

गृहमन्त्री लामिछानेले  विपद व्यवस्थापनका लागि देशभर आवश्यक अनुसार कमान सेन्टर स्थापना गरेर काम शुरु गरिएको बताउनुभयो ।