काठमाडौं । हाल देशको पूर्वीभू-भागमा मनसुनी प्रणालीको प्रभाव रहेको छ ।

 त्यस्तै, बाँकी भू-भागमा स्थानीय वायु-पश्चिमी वायु र भारतको बीहार आसपासमा रहेको न्यून चापीय क्षेत्रको आंशिक प्रभाव रहेको हो।

आइतबार बिहान कोशी, मधेश, गण्डकी र बागमती प्रदेशमा आंशिकदेखि साधारणतया बदली रहेको हो । बाँकी भू-भागमा भने आंशिक बदली रहेको छ।

त्यस्तै, कोशी, मधेश र बागमती प्रदेशका केही स्थानहरुमामा मेघगर्जन/चट्यांगसहित हल्का वर्षा भइरहेको मौसम पूर्वानुमान महाशाखाले जनाएको हो।

आइतबार दिउँसो भने कोशी, मधेश, बागमती र गण्डकी प्रदेशमा आंशिकदेखि साधारणतया बदली हुने भएको छ । त्यस्तै, बाँकी भू-भागमा भने आंशिक बदलीदेखि मौसम मुख्यतया सफा हुने भएको हो ।

कोशी, बागमती, गण्डकी, मधेश प्रदेश र बाँकी भू-भागका केही स्थानमा मेघगर्जन/चट्यांगसहित हल्कादेखि मध्यम वर्षाको समेत सम्भावना रहेको महाशाखाले जनाएको छ। 

आइतबार राति भने कोशी, मधेश, बागमती र गण्डकी प्रदेशमा आंशिकदेखि साधारणतया बदली हुने भएको हो । त्यस्तै, बाँकी भू-भागमा भने आंशिकदेखि मौसम मुख्यतया सफा हुने भएको छ ।

कोशी, मधेश, बागमती, गण्डकी प्रदेश र बाँकी भू-भागका केही स्थानमा मेघगर्जन/चट्यांगसहित हल्कादेखि मध्यम वर्षाको समेत सम्भावना रहेको महाशाखाले जनाएको हो।