काठमाडौं । हाल देशको पूर्वी-भूभागमा मनसुनी प्रणालीको प्रभाव रहेको रहेको छ ।

त्यस्तै, बाँकी भू-भागमा भने स्थानीय वायु र भारतको बीहार आसपास रहेको न्यूनचापीय क्षेत्रको आंशिक प्रभाव रहेको हो ।

सोमबार बिहानदेखि काठमाडौं उपत्यकासहित देशका केही भू=भागमा वर्षा भइरहेको छ । गण्डकी र बामती प्रदेशका केही स्थानमा मेघगर्जन/चट्यांगसहित हल्कादेखि मध्यम वर्षा भइरहेको मौसम पूर्वानुमान महाशाखाले जनाएको हो ।

सोमबार दिउँसो भने कोशी, बागमती र गण्डकी प्रदेशमा आंशिकदेखि साधारणतया बदली हुने भएको हो । बाँकी भू-भागमा भने मौसम मुख्यतया सफा हुने भएकोे छ। कोशी, बागमती, गण्डकी प्रदेश र बाँकी भू-भागका केही स्थानमा मेघगर्जन/चट्यांगसहित हल्कादेखि मध्यम वर्षाको समेत सम्भावना रहेको मशाखाले जनाएको हो । 

सोमबार राति भने कोशी, मधेश, बागमती प्रदेश र गण्डकी प्रदेशमा आंशिकदेखि साधारणतया बदली हुने भएको छ । त्यस्तै, बाँकी भू-भागमा भने आंशिक बदलीदेखि मौसम मुख्यतया सफा हुने भएको हो ।

कोशी, बागमती, गण्डकी, मधेश प्रदेशका र बाँकी भू-भागका केही स्थानमा मेघगर्जन/चट्यांगसहित हल्कादेखि मध्यम वर्षाको समेत सम्भावना रहेको महाशाखाले जनाएको छ।