काठमाडौं । कारोबारको पहिलो दिन आइतबार नेपाल स्टक एक्सचेञ्ज (नेप्से) परिसूचक दोहोरो अंकले बढेको छ।

नेप्से परिसूचक आइतबार १३ दशमलव ५१ अंकले बढेर २ हजार ८३ दशमलव ४ को बिन्दुमा कायम भएको हो। आइतबार ३ सय २५ कम्पनीको ९६ लाख ९७ हजार २०६ कित्ता शेयर ६५ हजार ६ सय ५४ पटक खरिद बिक्री हुँदा ४ अर्ब ३१ करोड १० लाख १५ हजार ६ सय २९ रुपैयाँ बराबरको कारोबार भएको छ। 

आइतबारको कारोबारमा लगानी समूह ० दशमलव २३, उत्पादन तथा प्रशोधन २ दशमलव ४० र म्युचुअल फन्ड ० दशमलव ५ प्रतिशतले घटेको र अरु सबै समूहको उपसूचक बढेको हो। सबै भन्दा धेरै व्यापार समूहको ६ दशमलव ५६ र वित्त समूहको उपसूचक २ दशमलव १७ प्रतिशतले बढेको छ। 

बैंकिङ १ दशमलव ११, विकास बैंक शून्य दशमलव २२, होटल तथा पर्यटन ० दशमलव ४६ र जलविद्युत् १ दशमलव २६ प्रतिशतले बढेको हो। जीवन बीमा समूह ० दशमलव ७७, लघुवित्त समूह ० दशमलव ५२ र अन्य समूह ० दशमलव ९६ प्रतिशतले बढेको छ। मल्टीपर्पस फाइनान्स कम्पनी लिमिटेड र मकर जितुमाया सुरी हाइड्रोपावर लिमिटेडको शेयर मूल्यमा सकारात्मक सर्किट लागेको हो। 

सबै भन्दा धेरै गुमाउनेमा भने नारायणी डेभलपमेन्ट बैंक लिमिटेडको शेयर मूल्य ९ दशमलव १३ प्रतिशतले घटेको छ। कारोबार रकम र कारोबार भएका शेयर संख्याका आधारमा आइतबार सबै भन्दा धेरै नेपाल फाइनान्स लिमिटेडको २२ करोड ६४ लाख १३ हजार २८ रुपैयाँ बराबरको ३ लाख ८२ हजार ३५ कित्ता शेयर किनबेच भएको नेप्सेले जनाएको हो ।