काठमाडौं । नेपाली कांग्रेसको नाराबाजीकाबीच पनि संघीय संसदका दुवै सदनबाट राष्ट्रपति रामचन्द्र पौडेलले गरेको सम्बोधनप्रति धन्यवादको प्रस्ताव पारित भएको छ ।

मंगलबार बसेको प्रतिनिधि सभाको बैठकले कांग्रेसको नाराबाजी र रोस्ट्रम घेराउकाबीच राष्ट्रपति पौडेलले गरेको सम्बोधनप्रति धन्यवादको प्रस्ताव पारित गरेको हो । सोही बैठक यहि जेठ ११ गते शुक्रबार बिहान ११ बजे बस्ने गरी स्थगित गरिएको छ ।  

त्यस्तै, मंगलबार बसेको राष्ट्रिय सभाको बैठकले पनि राष्ट्रपति पौडेलले गरेको सम्बोधनप्रति धन्यवादको प्रस्ताव पारित गरेको हो । प्रमुख प्रतिपक्षी दल कांग्रेसको अवरोधकाबीच राष्ट्रिय सभाबाट धन्यवादको प्रस्ताव पारित गरिएको छ ।

प्रधानमन्त्री पुष्पकमल दाहालले राष्ट्रपति पौडेलले गरेको सम्बोधनप्रति राष्ट्रियसभा बैठकमा पेश गर्नुभएको थियो । मंगलबारको राष्ट्रिय सभाको बैठकमा प्रतिपक्षी दलहरूको विरोधकाबीच धन्यवादको प्रस्ताव पारित भएको हो ।

कांग्रेसको विरोधकाबीच राष्ट्रिय सभाका  अध्यक्ष नारायणप्रसाद दाहालले धन्यवादको प्रस्तावमा सभाले सहमति जनाएको जानकारी दिनुभयो । राष्ट्रिय सभाको अर्को बैठक जेठ ११ गते शुक्रबार दिउँसो सवाँ १ बस्ने गरी स्थगित भएको छ ।