काठमाडौं । सत्ता साझेदार नेकपा एकीकृत समाजवादी पार्टीले लामो समयदेखि संघीय संसदमा देखिएको अवरोध खुलाउन पहल थाल्ने निर्णय गरेको छ ।

बिहीबार बसेको ८२औं सचिवालय बैठकले सहकारीको बचत हिनामिना, दुरुपयोग, ठगी छानबिन गर्न संसदीय समिति बनाउनुपर्ने अडान राखेको प्रतिपक्षी नेपाली कांग्रेस, प्रधानमन्त्री पुष्पकमल दाहाहाल र गृहमन्त्री रवि लामिछानेसहितसँग छलफल गर्ने निर्णय गरेको हो ।

त्यस्तै, एकीकृत समाजवादीको सोही बैठकले १० औं महाधिवेशनको दस्तावेज यहि जेठ १५ गते जिल्लामा पठाउने निर्णय पनि गरेको छ । सचिवालयको अर्को बैठक जेठ १४ गते बस्ने उपमहासचिव तथा प्रचार विभाग प्रमुख जगन्नाथ खतिवडाले जानकारी दिनुभयो ।

एकीकृत समाजवादीको १० औं महाधिवेशन आगामी असार १६ देखि २० गतेसम्म काठमाडौंमा गर्ने तयारी छ ।