साहित्य समाजको ऐना हो, समाज समय सापेक्ष हुनुपर्छ: मन्त्रिपरिषदका पूर्वअध्यक्ष रेग्मी
काठमाडौं । मन्त्रिपरिषदका पूर्वअध्यक्ष खिलराज रेग्मीले समाज समय सापेक्ष हुनुपर्ने बताउनुभएको छ ।
दायित्व वाङ्गमय प्रतिष्ठान नेपालको २५ औं वार्षिकोत्सवको अवसरमा आयोजित कार्यक्रमलाई शनिबार सम्बोधन गर्दै उहाँले यस्तो बताउनुभएको हो । पूर्वअध्यक्ष रेग्मीले साहित्य समाजको ऐना भएको बताउनुभएको छ।
प्रकृति र मानव जीवनका लागि उपयोगी र उपयुक्त माध्यम भनेको साहित्य रहेको उहाँले बताउनुभयो । मानव र समाजको लागि अनुपयोगी वा विरुद्ध हुने कुनैपनि कार्य वा सिर्जना प्रकृति र श्रृष्टिको नियमबिरुद्ध हुने पनि पूर्वअध्यक्ष रेग्मीले दावी गर्नुभएको छ ।
समय गतिशिल र समाज प्रगतिशिल एवं परिवर्तनशिल रहेको भन्दै सिर्जना, कामहरु समय सापेक्ष र समाज सापेक्ष हुनुपर्ने पूर्वअध्यक्ष रेग्मीले बताउनुभयो । कल्पनाशिलता रचनात्मक, सिर्जनात्मक भयो भने समाजलाई डोर्याउन र मार्गदर्शन गर्न सक्ने उहाँको भनाइ छ ।
सोही कार्यक्रममा दायित्व वाङ्गमय विशिष्ट सम्मानबाट रमेशचन्द्र देवकोट, डि।आर। पोखरेल, दायित्व वाङ्गमय सम्मानबाट अमरकुमार प्रधान, वासुदेव गुरागाईं, विद्वतच्छिरोमणि हेमराज पुरस्कारबाट प्रा। दिनेशराज पन्त, दायित्व मुरलीदेवी गुरुदत्त काफ्ले स्मृति पुरस्कारबाट सिर्जनशिल अपाङ्ग विद्यालय, हरिकला गुणाकर दयित्व रचना पुरस्कारबाट विष्णुप्रसाद शर्मा पराजुली, दायित्व सीता पन्त श्रष्टा पुरस्कारबाट रागेश्वरी पन्त र दायित्व यशोदा पन्त प्रतिभा पुरस्कारबाट श्रृष्टि केसीलाई सम्मान गरिएको हो ।
