काठमाडौं । सहकारी ठगी प्रकरणमा संसदीय छानबिन समिति गठनको कार्यादेश (टीओआर) टुंगो लगाउन कार्यदलसहित प्रमुख राजनीतिक दलका शीर्ष नेताहरुको बैठक आइतबार बस्ने भएको छ ।

सोही बैठक आइतबार बिहान ९ बजे प्रधानमन्त्रीको सरकारी निवास बालुवाटारमा बस्ने भएएको हो । शनिबार दिउँसो कार्यदलको बैठक सहमति नजिक पुगेपछि प्रधानमन्त्रीको सरकारी निवास बालुवाटारमा कार्यदलका सदस्यसहित शीर्ष नेताबीचको छलफल निचोडमा नपुगेपछि आइतबार पुनः छलफल हुन लागेको हो ।

कार्यदलबीच जुन-जुन सहकारीबाट रकम नियम विपरीत अपचलन भएको छ । जुन कम्पनीले लिएको छ-ती सहकारी र अपचनलमा संलग्न संस्थाहरुको नाम उल्लेख गरेर जाने र त्यसैलाई केन्द्रमा राखेर छानबिन गर्ने करिब सहमति भएको हो ।

तर नेपाली कांग्रेसले गृहमन्त्री रवि लामिछानेको नामको विकल्पमा गोर्खा मिडियाको प्रबन्ध निर्देशक उल्लेख गर्नुपर्ने प्रस्तावमा सत्ता पक्ष सहमतिमा नआइसकेको कार्यादल सदस्य जीवन परियारले जानकारी दिनुभयो । उहाँले सहकारी सञ्चालकहरू, गोरखा मिडिया नेटवर्कलगायत कम्पनीहरू, यसका सञ्चालक समितिका पदाधिकारी, प्रबन्ध निर्देशक र आवश्यक अन्य कर्मचारीका बारेमा समेत छानबिन गरिनुपर्छ भन्ने प्रतिपक्षको कुरामा सत्ता पक्ष सहमत भइसकेको छैन ।

यसअघि कार्यदलको बैठकमा सत्ता पक्ष ठगी भएका सहकारीको नाम र ऋण लैजाने कम्पनीको नाम उल्लेख गरेर छानबिन अगाडि बढाउन सहमत भएको थियो ।