काठमाडौं । कान्तिपुर मिडिया ग्रुपका अध्यक्ष कैलाश सिरोहियामाथि अनुसन्धान गर्नका लागि जिल्ला अदालत धनुषाले ३ दिन हिरासतमा राख्न अनुमति दिएको छ।

नागरिकता कसुरमा पक्राउ परेका अध्यक्ष सिरोहियामाथि अनुसन्धान गर्न ३ दिन हिरासतमा राख्न अनुमति दिएको सोही अदालतका प्रवक्ता डम्बर प्रसाद घिमिरेले बताउनुभएको हो ।  जिल्ला न्यायाधीश चुरामन खड्काको ईजलासले बुधबार दुवै पक्षको बहस सुनेपछि ३ दिन हिरासतमा राख्न अनुमति दिइएको छ ।

यसअघि जिल्ला सरकारी वकिलको कार्यालयले भने अनुसन्धानको लागि ५ दिन म्याद थप गर्न अदालतसँग माग गरेको थियो । अध्यक्ष सिरोहियालाई प्रहरीले मंगलारबार साँझ काठमाडौंबाट नागरिकता प्रकरणमा पक्राउ गरी बुधबार बिहान धनुषाा पुर्याएको थियो ।

अध्यक्ष सिरोहियालाई जिल्ला प्रहरी कार्यालय धनुषाले बुधबार अदालतमा उपस्थित गराएको हो ।