काठमाडौं । हाल नेपालमा स्थानीय वायु-पश्चिमी वायु र बीहार आसपासको क्षेत्रमा रहेको न्यूनचापीय प्रणालीको आंशिक प्रभाव रहेको छ । 

शुक्रबार बिहान देशभर आंशिकदेखि साधारणतया बदली रहेको हो। कोशी र मधेश प्रदेशका केही स्थानमा मेघगर्जन-चट्यांगसहित हल्का वर्षा भइरहेको मौसम पूर्वानुमान महाशाखाले जनाएको छ ।

शुक्रबार दिउँसो भने देशको पहाडी भू-भागमा आंशिकदेखि साधारणतया बदली हुने भएको हो। बाँकी भू-भागमा भने आंशिक बदलीदेखि मौसम मुख्यतया सफा हुने भएको छ । देशको पहाडी भू-भागका केही स्थानहरूमा हल्कादेखि मध्यम वर्षाको समेत सम्भावना रहेको हो ।

त्यस्तै, बाँकी भू-भागका केही स्थानमा मेघगर्जन-चट्यांगसहित हल्का वर्षा र हावाहुरीको समेत सम्भावना रहेको छ । देशको उच्च पहाडी/हिमाली भू-भागका केही स्थानमा हल्का हिमपातको समेत सम्भावना रहेको हो ।

शुक्रबार राति भने लुम्बिनी र सुदूरपश्चिम प्रदेश लगायत देशको पहाडी भू-भागमा आंशिकदेखि साधारणतया बदली हुने भएको छ । त्यस्तै, बाँकी भू-भागमा भने आंशिक बदलीदेखि मौसम मुख्यतया सफा हुने भएको हो । 

लुम्बिनी र सुदूरपश्चिम प्रदेश लगायत देशका पहाडी भू-भागमा केही स्थानमा मेघगर्जन-चट्यांगसहित हल्का वर्षा हावाहुरीको समेत सम्भावना रहेको महाशाखाले जनाएको छ ।