स्थानीय तहको मत परिणामलाई सन्तोषजनक रुपमा लिएको नेपाली कांग्रेसले संघ र प्रदेशको निर्वाचनमा पनि सत्ता गठबन्धनलाई कायम राख्ने भएको छ । सत्तारुढ गठबन्धनमा रहेका दलभित्र आश्चर्यजनक परिस्थिति नआए यही गठबन्धनले निरन्तरता पाउने नेताहरु बताउँछन् ।

कांग्रेस र माओवादी केन्द्रले स्थानीय तह निर्वाचनको नतिजालाई ‘सन्तोषजनक’ रुपमा लिएका छन् । सत्ता घटककै अर्को दल एकीकृत समाजवादीले भने तुलनात्मक रुपमा नतिजालाई सहर्ष स्वीकार्न सकेको छैन ।स्थानीय तह निर्वाचनबाट कांग्रेस पहिलो दल बनेको छ भने तेस्रो दलमै यथावत रहे पनि माओवादी केन्द्रले पहिले भन्दा धेरै स्थानीय तहको नेतृत्व जितेको छ ।