ह्यारी केनले इंग्ल्याण्डका लागि ५० गोल पूरा गरेका छन् । यूईएफए नेसन्स लिग अन्तर्गत मंगलबार राति भएको खेलमा जर्मनीविरुद्ध पेनाल्टीमा गोल गर्दै केनले ५०औं गोलको कोशेढुंगा पूरा गरेका हुन् ।उनी इंग्लयाण्डका लागि ५० गोल गर्ने दोस्रो खेलाडीसमेत हुन् । पूर्वकप्तान वायन रुनीले सर्वाधिक ५३ गोल गरेका छन् । केन इंग्ल्याण्डका लागि सर्वाधिक गोल गर्ने रुनीभन्दा अब ३ गोलले मात्र पछि छन् ।

लिग ए अन्तर्गत समूह ए को खेलमा जर्मनीविरुद्ध १-१ को बराबरी खेल्दा केनले पेनाल्टीबाट गोल गर्दै आफ्नो टिमलाई हारबाट जोगाएका हुन् । जर्मनीका निको सटरबकले केनलाई फल गरेपछि प्राप्त पेनाल्टीमा केन बफैंले गोल गरेका हुन् ।पेनाल्टी किङ केनले इंग्ल्याण्डका लागि १५ गोल पेनाल्टीबाट गरेका छन् । उनले १८ पेनाल्टी प्रहार गर्दा १५ प्रहार गोलमा परिणत भएको हो ।