उखु किसानहरुको पिडा को समाधान कसरी हुन्छ भन्नेबारे भूगोलपार्क डट कमले अनलाइन मत सर्वेक्षण गर्दै
आफ्नो परिश्रमको उचित मूल्यवान नहुँदा हरेक वर्षजसो पुषको कठ्याङ्रीदो चिसोमा एकसरो कपडाको भरमा काठमाडौंको सडकमा सरकार खोज्दै आईपुग्छन् तराईका उखु किसानहरु । आफ्नो अधिकार र आधारभूत आवश्यकताहरु पाउन पनि पटक पटक आन्दोलन गर्नुपर्ने विवशतामा बाँचीरहेका छन् । यसपटक आफ्नै पौरखको पसिना लिएर फर्कने दावी गर्दै माईतिघरमा फेरी धर्नामा छन्।
किसानलाई उखुको पैसा नतिर्ने मिल सञ्चालकविरुद्ध मुद्दा दायर भएको छ । पीडित किसानले श्रीराम सुगर मिल, अन्नपूर्ण सुगर मिल, इन्दिरा सुगर एन्ट एग्रो तथा लुम्बिनी चिनी मिल सञ्चालकविरुद्ध मुद्दा दायर गरेका हुन् ।
उखुको पैसा भुक्तानी नगनेर् उद्योग सञ्चालकविरुद्ध बुधबार ठगी मुद्दा परेको नेपाल प्रहरी प्रवक्ता एसएसपी वसन्तबहादुर कुँवरले जानकारी दिए । ‘सम्बन्धित जिल्ला अदालतले पक्राउ पुर्जी जारी गरिसकेको छ, हामी आरोपित उद्योगीको खोजीमा छौँ,’ उनले भने, ‘तत्काल पक्राउ गरेर कानुनअनुसार कारबाही अघि बढाउँछौँ ।’ सरकारबाट स्पष्ट निर्देशन आएको र पीडित किसानले दर्ता गरेको उजुरीका आधारमा पक्राउ पुर्जी जारी भइसकेकाले कारबाही प्रक्रिया अघि बढाउन समस्या नरहेको उनले स्पष्ट पारे ।
यसअघि, गृह मन्त्रालयले उखु किसानको भुक्तानी समयमै नतिर्ने चिनी मिल सञ्चालकषहरूविरुद्ध कारबाही प्रक्रिया अघि बढाउन सम्बन्धित जिल्ला प्रशासन कार्यालयहरुलाई निर्देशन दिएको थियो । उद्योगले वर्षौंदेखि उखुको पैसा नदिएको भन्दै यतिबेला काठमाडौंमा आएर किसानहरूले आन्दोलन गरिरहेका छन् । उनीहरूले पैसा नपाएसम्म घर नजाने बताएका छन् ।
अन्नपूर्ण तथा इन्दिरा उखु मिलका सञ्चालक राकेश अग्रवाल हुन् । श्रीरामका सञ्चालक हितेश गोल्छा, विशाल अग्रवाल र पदमकान्त झा हुन् भने त्यस्तै लुम्बिनीका सञ्चालक श्रेय अग्रवाल हुन् । गत वर्ष पनि किसानको पैसा नतिरको आरोपमा प्रहरीले राकेश अग्रवाल पक्राउ गरेको थियो । मिल सञ्चालकहरूले किसानको ९० करोड रुपैयाँ तिर्न बाँकी छ ।
सिगँै मूलुकको घरमा मिठास पुर्याउने उखु किसानहरुको समस्याको समाधान खोज गर्न जटिल संघर्ष गर्नै पर्दैन। यसको लागी केही महत्वपूर्ण तर लाभदायक कदमहरु अपनाए पुग्छ ।
यहि सम्बन्धी नेपालको पहिलो र एकमात्र मत सर्वेक्षण संस्था भूगोलपार्क डट कमले मत सर्वेक्षण सुरु गरेको छ । यस संस्थाले नेपालमा हालसम्म २४ वटा राष्ट्रिय एजेन्डामा मत सर्वेक्षणहरु सञ्चालन गरिसकेको छ । भूगोल पार्कले अद्धितीय वैज्ञानिक एल्गोरिदम फर्मुलाको माध्यमबाट डेटाको नतिजा गणना गर्दछ । मत सर्वेक्षणमा १ शीर्षक र डेमोग्राफिक्समा ५ प्रशनहरु छन् ।
यी प्रश्नहरुले सम्झौता अनुसार किसानको पैसा उद्योगीले किन नदिएका होलान ,राजनीतिक दलका नेताहरु किसानको समस्या समाधानमा पहल किन गर्दैनन् होला भन्ने कुराहरु समेटेका छन् ।
मतदान गर्नको लागी :
