कठमान्डौ २४ असार   ।     महानगरीय प्रहरी प्रभाग भैंसेपाटीको हिरासतबाट गएराति तीन थुनुवा फरार भएका छन् । ललितपुर प्रहरी प्रमुख रवीन्द्र धानुकले थुनुवा फरार भएको पुष्टि गर्दै छानविन अगाडि बढाइएको  सन्चार माध्यमलार्य जानकारी दिएका छन  ।

 प्रहरी प्रमुख धानुकका अनुसार एसपी दुर्गा सिंहको नेतृत्वमा छानविन समिति गठन गरिएको छ  भने ड्यूटीमा रहेका चार प्रहरीलाई निलम्बन गरी अनुसन्धान अघि बढाइएको जनाएको छ ।

प्रहरी प्रभाग भैंसेपाटीको हिरासतको ग्रिल उप्काएर थुनवा भागेका थिए । भाग्नेहरुमा शमसेर माझी, रुद्रलाल श्रेष्ठ र रवि कुमार तिमल्सिना रहेको ललितपुर प्रहरीले  कार्यालयले जनाएको छ । उनीहरुको खोजीका लागि सादा पोशाकका प्रहरी परिचालन गरिएको बताएको छ ।