नेपालकै अग्रणी लक्जरी होटलमध्ये एक काठमाडौं मेरियट होटलले अप्रिल २८, २०२६ मा आफ्नो सातौं वार्षिकोत्सव मनाएको छ। नेपाललाई ग्लोबल हस्पिटालिटीको क्षेत्रमा स्थान दिलाउनुपर्छ भन्ने दृढ विश्वासबाट सुरु भएको यो यात्रा आज मानिस, साझेदारी र उद्देश्यको एक प्रेरणादायी कथामा परिणत भएको छ।

स्थापनादेखि नै काठमाडौं मेरियट होटलले केवल व्यवसाय सञ्चालन मात्र गरेको छैन, बरु यसले नेपालमा गहिरो जरा गाडेको छ। आफू स्थापित शहरबाट प्रेरणा लिँदै होटलले काठमाडौंको आत्मीयता, समृद्ध संस्कृति र धैर्यलाई आफ्ना सम्पूर्ण सेवाहरूमा समेटेको छ।

होटलका संचालक(owner) गौरव अग्रवालले सुरुवाती दिनहरू सम्झँदै भने, “सात वर्षअघि यो केवल व्यवसायिक निर्णय मात्र थिएन, एउटा विश्वास थियो। नेपाल, यहाँका आत्मीय मानिस, समृद्ध संस्कृति र भव्य प्राकृतिक सौन्दर्यले विश्वकै हस्पिटालिटी क्षेत्रमा उत्कृष्ट स्थान पाउन योग्य छ भन्ने विश्वास।

त्यसबेला हामी केवल भवन निर्माण गरिरहेका थिएनौं, हामी विश्वासको जग हालिरहेका थियौं, उच्चस्तरीय मापदण्ड बनाइरहेका थियौं। हामी त बलियो प्रतिवद्धता निर्माण गरिरहेका थियौं।” त्यस्तै, महाप्रबन्धक (General Manager) शंकुष महाजनले भने, “सात वर्षको यात्रा पार गरिसकेपछि अब हाम्रो लागि लक्जरी भनेको जिम्मेवारी पनि हो। जिम्मेवार स्रोत व्यवस्थापनदेखि ऊर्जा दक्षतासम्म, हामी एलईईडी गोल्ड सर्टिफाइड होटल हुन पाउँदा गर्व गर्छौं। यस स्थानलाई आजको स्वरूप दिन सहयोग गर्नुहुने सबैप्रति हार्दिक धन्यवाद।”

वार्षिकोत्सव समारोहमा विशिष्ट अतिथीहरू, ग्राहकहरू, ट्राभल एजेन्ट तथा होटलसँग सम्बन्धित परिवार र शुभेच्छुकको उल्लेख्य सहभागिता रहेको थियो। कार्यक्रममा प्रमुख अतिथिका रूपमा नेपालका चर्चित पर्वतारोही, गिनिज वर्ल्ड रेकर्ड बनाउन सफल तथा पिओलेट डि’ओर एशिया प्राप्त गर्ने पहिलो नेपाली मिंग्मा डेभिड शेर्पाको उपस्थिति थियो। पर्वतारोहण क्षेत्रको ‘ओस्कार’ मानिने उक्त सम्मान प्राप्त गरेका शेर्पाको उपस्थिति नेपाली उत्कृष्टता, महत्वाकांक्षा र गौरवको उत्सव सम्मिलित साँझको थिमसँग पूर्ण रूपमा मेल खान्थ्यो।

यो साँझले लक्जरीसँगै जिम्मेवारी पनि आउँछ भन्ने काठमाडौँ मेरियट होटलको विश्वासलाई प्रतिबिम्बित गरेको थियो। पाहुनाहरूलाई सम्झनाको चिनोस्वरूप गमलासहितको बिरुवा प्रदान गरियो, जसले होटलको दिगोपनाप्रतिको प्रतिबद्धताको सानो तर अर्थपूर्ण संकेत दिएको थियो। बलरूममा तीन पटक राष्ट्रिय पुरस्कार प्राप्त कलाकार कृष्ण लामाका कलाकृतिहरू प्रदर्शन गरिएका थिए, जसमा बेइजिङ इन्टरनेशनल आर्ट बिएन्नेलबाट भर्खरै ल्याइएको चित्र पनि समावेश थियो। ती कलाकृतिको बिक्रीबाट प्राप्त नगदको केही हिस्सा प्रिजनर्स असिस्टेन्स नेपाललाई प्रदान गरिने व्यवस्था गरिएको थियो। प्रिजनर्स असिस्टेन्स नेपालकि अध्यक्ष सुवानी आले मगरको उपस्थितिले पनि यस साँझलाई अझ अर्थपूर्ण बनाएको थियो, जुन केवल उत्सव मात्र नभई उद्देश्यसँग जोडिएको कार्यक्रम पनि थियो।

काठमाडौं मेरियट होटलले नेपाललाई विश्वमञ्चमा स्थापित गर्ने लक्ष्यसहित विभिन्न महत्वपूर्ण पहलहरू सञ्चालन गरेको छ। नेपाललाई अन्तर्राष्ट्रिय स्तरमा प्रतिनिधित्व गर्ने प्रतिबद्धता अनुरुप होटल सन् २०१९ मा मेरियट इन्टरनेशनलको विश्वव्यापी अभियानमा सहभागी भएको थियो। सन् २०२३ सम्म आइपुग्दा, होटलले नेपालको पर्यटन तथा आतिथ्य क्षेत्रमा महत्वपूर्ण भूमिका निर्वाह गर्दै साझेदारी विस्तार गरेको छ र आतिथ्य केवल गन्तव्य मात्र नभई पाहुनासँगको सम्बन्ध पनि हो भन्ने सन्देश दिएको छ।

स्थापनाको सात वर्षमा काठमाडौं मेरियट होटल नेपालका सबैभन्दा परिचित लक्जरी आतिथ्य गन्तव्यमध्ये एकका रूपमा स्थापित छ। निरन्तर सेवा, सामुदायिक सहभागिता र सांस्कृतिक लगानीमार्फत यसले आफ्नो अन्तर्राष्ट्रिय ब्रान्डलाई स्थानीय सन्दर्भमा सफलतापूर्वक रूपान्तरण गरेको छ।

काठमाडौं मेरियट होटलका बारेमा

राजधानीको मुटुमा अवस्थित काठमाडौं मेरियट होटल नेपालको प्रमुख लक्जरी आतिथ्य गन्तव्य हो।
मेरियट इन्टरनेशनलको विश्वव्यापी नेटवर्क अन्तर्गत रहेको यस होटलले विश्वस्तरीय सेवा मापदण्डलाई
नेपालका मानिस, संस्कृति र समुदायप्रतिको गहिरो प्रतिबद्धतासँग जोडेको छ। सन् २०१९ मा स्थापना
भएदेखि यो होटल फुर्सदिला यात्री, व्यवसायिक पाहुना तथा स्थानीय साझेदारहरूका लागि विश्वासिलो
गन्तव्यका रूपमा स्थापित छ।