२९ मंसिर, काठमाडौं— सोमबार सेयर बजारमा नेप्से परिसूचक ६.७४ अंकले बढेर २६०१ अंकमा पुगेको छ। तर, कारोबार रकम घटेर ३ अर्ब ४४ करोड रुपैयाँमा सीमित भएको छ, अघिल्लो दिनको ४ अर्बको कारोबारको तुलनामा।

आज १५५ कम्पनीको मूल्य बढ्दा ९४ कम्पनीको घटेको छ भने १० कम्पनीको मूल्य स्थिर रह्यो। वृद्धिमा बैंकिङ समूहले महत्वपूर्ण टेवा पुर्‍याएको छ। बैंकिङ समूह ०.७२ प्रतिशत, विकास बैंक ०.३३, फाइनान्स ०.९०, हाइड्रोपावर ०.०६, जीवन बीमा ०.३०, उत्पादन तथा प्रशोधन ०.५७, निर्जीवन बीमा ०.०७ र व्यापार समूह ०.२७ प्रतिशतले बढेका छन्।

होटल तथा पर्यटन ०.११, लगानी ०.०८, माइक्रोफाइनान्स ०.०८ र अन्य समूह ०.१७ प्रतिशतले घटेका छन्।

आज स्वस्तिक लघुवित्त र एसवाई प्यानलको मूल्य १० प्रतिशतले बढेको छ। त्यस्तै, स्वेतगंगा हाइड्रोपावर ८.७९, ओम मेगाश्री ४.०९ र इङवा हाइड्रोपावर ३.९७ प्रतिशतले मूल्य बढाएको छ। हिमस्टार ऊर्जाको मूल्य सबैभन्दा धेरै ६.९५ प्रतिशतले घटेको छ।

आज धेरै कारोबार भएका कम्पनीहरूमा ङादी ग्रुप, लक्ष्मी सनराइज बैंक, एसबीआई बैंक, सीईडीबी होल्डिङ्स र हिमालयन रिइन्स्योरेन्स छन्।