क्रिकेटका लिजेन्ड ब्रायन लारा आज नेपाल आउँदै छन् । नेपाल प्रिमियम लिग (एनपीएल)को जारी खेल हेर्नका लागि क्रिकेटका लिजेन्ड लारा नेपाल आउन लागेका हुन ।

नेपाल क्रिकेट संघ (क्यान) का छुम्बी लामाका अनुसार उनी आज बिहान ८ः३० बजे त्रिभुवन अन्तर्राष्ट्रिय विमानस्थलमा आइ पुग्नेछन् । उनाइ स्वागत गर्नका लागि क्यानका पदाधिकारीसहित खेलाडीहरू विमानस्थलमा पुग्नेछन्।

त्यसपछि आज हुने लुम्बिनी लायन्स र कर्णाली याक्स बिच बिहान ९ः०० बजेबाट सुरू हुने पहिलो खेल हेर्नका लागि कीर्तिपुरस्थित मैदानमा पुग्नेछन् । केही दिन नेपालमा रहने क्रिकेटका लिजेन्डा लाराले तीनवटा खेल कीर्तिपुरस्थित मैदानमा गएर हेर्नेछन् ।

विश्वविख्यात वेस्ट इन्डियन खेलाडी लारा पहिलोपटक नेपाल आउन लागेका हुन् ।